ਐਸੇ ਦੇਸ਼ ਵਿੱਚ ਅਸਾਂ ਚਲੇ ਜਾਣਾ ਹੈ

ਐਸੇ ਦੇਸ਼ ਵਿੱਚ ਅਸਾਂ ਚਲੇ ਜਾਣਾ ਹੈ ਜਿੱਥੇ ਭੁੱਖ ਤੇ ਪਿਆਸ ਹੋਣੀ ਨਹੀਂ ਉਸ ਦੇਸ਼ ਦਾ ਰਾਜਾ ਯਿਸ਼ੂ ਜਿੱਥੇ ਰੂਹ ਕੋਈ ਕਦੇ ਰੋਣੀ ਨਹੀਂ ਹੀਰੇ ਤੇ ਜਵਾਹਰਾਂ ਨਾਲ ਉਹ ਜੜ੍ਹੀ ਹੈ ਪ੍ਰਭੂ ਯਿਸ਼ੂ ਆਪੇ ਉਹਦੀ ਨੀਂਹ ਧਰੀ ਹੈ ਉਹ ਨਗਰੀ ਹੈ ਖਾਲਿਸ ਸੋਨੇ ਦੀ ਮਿੱਟੀ ਉੱਥੇ ਕਦੇ ਹੋਣੀ ਨਹੀਂ ਪਾਪੀ ਉਸ ਦੇਸ਼ ਵਿੱਚ ਕੋਈ ਨਾ ਜਾਵੇਗਾ ਧਰਮੀ ਸਦਾ ਲਈ ਉੱਥੇ ਸੁਖ ਪਾਵੇਗਾ ਉੱਥੇ ਮੌਤ ਤੇ ਬੀਮਾਰੀ ਦਾ ਕੋਈ ਨਾਮ ਨਹੀਂ ਗ਼ਰੀਬੀ ਉੱਥੇ ਕਦੇ ਹੋਣੀ ਨਹੀਂ ਜੀਵਨ ਦੀ ਨਦੀ ਉਸ ਦੇਸ਼ ਵਗਦੀ ਜੀਵਨ ਦੀ ਜੋਤੀ ਉੱਥੇ ਸਦਾ ਜਗਦੀ ਉਸ ਨਗਰੀ ਦਾ ਸੂਰਜ ਹੈ ਯਿਸ਼ੂ ਰਾਤ ਉੱਥੇ ਕਦੇ ਹੋਣੀ ਨਹੀਂ